ԼՈՒՍԱՆԿԱՐՆԵՐ. Հրապարակի շատրվաններն` աղբի մեջ. քաղաքապետարանից մեկնաբանում են
Երևանի քաղաքապետարան, էն լույսերի վրա եկած տուրիստները հիմա սա են լուսանկարում: Այս մասին ֆեյսբուքյան իր էջում գրել է Երևանի ավագանու անդամ Իզաբելլա Աբգարյանը:
«Հրապարակի շատրվանները նույնիսկ մի ժամ չեն կարող այս տեսքն ունենալ»,- գրել է Աբգարյանը:
Auroranews.am-ը կապ հաստատեց Երևանի քաղաքապետարանի աշխատակիցների հետ, հասկանալու` ինչո՞ւ է Երևանի սրտում այս վիճակը և ե՞րբ կմաքրվի Հանարապետության հրապարակը:
Քաղաքապետարանից նշեցին, որ հրապարակում տեղադրված դեկորները դեռ ամբողջապես չեն ապամոնտաժվել, աշխատանքներն ընթացքի մեջ են:
«Դեկորների ապամոնտաժման ավարտին անմիջապես կհետևի տարածքի ամբողջական և մանրակրկիտ մաքրումը»,- ասացին քաղաքապետարանից:
Հարցին թե, ի՞նչ ժամկետում են նախատեսում աշխատանքներն ավարտել` նշեցին, որ սահմանված ժամանակացույց չկա:
