Բրիտանիայի կառավարության ծառայողական մեքենայում լրտեսող չինական սարք է հայտնաբերել. ԶԼՄ
Բրիտանիայի կառավարության ծառայողական մեքենայում լրտեսող չինական սարք է հայտնաբերել:
Այն ի հայտ է եկել Մեծ Բրիտանիայի կառավարության և դիվանագիտական մեքենաները ստուգելիս: Այս մասին հայտնում է inews-ը՝ վկայակոչելով թագավորության անվտանգության ծառայության իր աղբյուրին։
Լրտեսող սարքը գտել են հետախուզության աշխատակիցները երբ ապամոնտաժել են մեքենաները՝ ի պատասխան լրտեսող ծրագրերի վերաբերյալ աճող մտահոգությունների:
Այն ավելի շատ նման է SIM քարտի, որը թույլ է տալիս հետևել մեքենաների տեղաշարժին և տվյալները ուղարկել Չինաստան։ Բրիտանական հետախուզության տվյալներով՝ սարքը եղել է մեքենայի հերմետիկ մասերից մեկում, որը ներմուծվել է Չինաստանի մատակարարից և տեղադրվել է մեքենայի վրա արտադրողի կողմից։
Չինացի պաշտոնյաները, ըստ հրատարակության, նման գտածոյի մասին տեղեկությունն անվանել են «անհիմն ու դատարկ լուրեր»։ Նրանք ասել են, որ Չինաստանը կտրականապես դեմ է տնտեսական և առևտրային համագործակցության քաղաքական շահարկումներին և չինական ձեռնարկություններին ուղղված ցանկացած մեղադրանքի։
