Ռազմաօդային ուժերի արդիականացումից հետո Հունաստանը կարող է չվախենալ արտաքին սպառնալիքներից. երկրի վարչապետ

Հունաստանը, արդիականացնելով իր օդուժը, այնքան է ուժեղացրել իր զսպման հնարավորությունները, որ կարող է վտանգ չզգալ ոչ մի կողմից։ Այս մասին հինգշաբթի հայտարարել է Հունաստանի վարչապետ Կիրիակոս Միցոտակիսը Կրետե կղզու Չանիա քաղաքի ավիաբազայում գտնվող 115-րդ ռազմաօդային ուժերի մարտական ​​թեւ կատարած այցի ժամանակ, գրում է ТАСС-ը:
 

Վարչապետը ստուգել է չորրորդ սերնդի F-16 բազմաֆունկցիոնալ կործանիչները, որոնք արդիականացվել են Viper մակարդակի, տեղեկացվել օդային թևի, օդանավերի արդիականացման և ընդհանուր հզորացման խնդիրների, կազմակերպման և պատրաստվածության մասին։ 

«Ընթացքի մեջ է ռազմաօդային ուժերի արդիականացումը, շատ կարևոր ծրագիր, որը, զուգակցվելով մեր կատարած այլ ներդրումների հետ, կարծում եմ երկարաժամկետ վստահություն է տալիս մեզ, որ ուժեղացրել ենք մեր զսպողականությունն այնքան, որ վտանգված չենք զգա որևէ մեկի կողմից»,- ասել է Միցոտակիսը, որի խոսքերը մեջբերում է «Kathimerini» թերթը։

Վարչապետը հատուկ անդրադարձել է օդաչուներին, մարտական ​​ինքնաթիռներ շահագործող ողջ անձնակազմին և նրանց աջակցություն խոստացել։