Ռուսաստանը կարող է Իրանին կործանիչներ մատակարարել

Ռուսաստանը կարող է Իրանին կործանիչներ մատակարարել «Շահեդների» դիմաց: Այս մասին գրում է Радио  «Свобода»-ն։

Այն, որ Իրանը կարող է ձեռք բերել 24 Սու-35 կործանիչներ հարյուրավոր կամիկաձե անօդաչու թռչող սարքերի մատակարարման համար, հայտնում են իսրայելական լրատվամիջոցները՝ վկայակոչելով արևմտյան հետախուզության աղբյուրները։

Ինչպես հիշեցնում է newsru.co.il կայքը, ի սկզբանե Մոսկվան մտադիր էր այդ ինքնաթիռները վաճառել Եգիպտոսին։  Այն բանից հետո, երբ գործարքը խափանվեց ԱՄՆ վարչակազմի կողմից, որոշվեց Սու-35-ը մատակարարել Իրանին։

Նախկինում Ռուսաստանի իշխանությունները անհաջող փորձեր էին արել նույն ինքնաթիռները վաճառել Ալժիրին և Ինդոնեզիային։