Իսրայելը պատրաստ կլինի Իրանի միջուկային օբյեկտների վրա հարձակման հրամանին. ՑԱԽԱԼ-ի շտաբի պետ
Իսրայելը ամեն շաբաթ Մերձավոր Արեւելքում ինչ-որ տեղ Իրանի դեմ առնվազն մեկ գործողություն է իրականացնում, ասել է ՑԱԽԱԼ-ի շտաբի պետ, գեներալ-լեյտենանտ Ավիվ Կոհավին: Այս մասին հայտնում է JPost-ը:
Նշվում է, որ ՑԱԽԱԼ-ը պատրաստ կլինի այն ժամանակ, երբ և եթե նրան հրամայեն հարձակում իրականացնել Իրանի միջուկային օբյեկտների վրա։
«Իրանում գործողության համար պատրաստվածության մակարդակը կտրուկ բարձրացել է,- ասել է Կոհավին,- Ես կասեմ ավելին` Իսրայելի պաշտպանության բանակը պատրաստ կլինի այն օրվան, երբ միջուկային ծրագրի դեմ գործելու հրաման տրվի, և նա կկատարի իր վրա դրված առաքելությունը»։
