Կրիշտիանու Ռոնալդուն ցանկացել է հեռանալ ԱԱ-2022-ից, երբ իմացել է, որ Պորտուգալիայի մեկնարկային կազմում խաղադաշտ դուրս չի գալու:

Հարձակվողը պահեստայիններին նստարանին էր մնացել Աշխարհի առաջնության 1/8-րդ եզրափակչի Շվեյցարիայի հետ խաղում (6:1) եւ փոխարինման դուրս եկավ 73-րդ րոպեին, սակայն արդյունավետությամբ աչքի չընկավ:

Իմանալով այն մասին, որ Ֆերնանդու Սանտուշը որոշել է նրան դուրս չհանել խաղադաշտ մեկնարկային կազմում, նա զայրացել է: Record-ի տվյակներով, Ռոնալդուն շատ մոտ է եղել նրան, որ հավաքի իր իրերը եւ հեռանա առաջնությունից: Սակայն որոշ ժամանակ հետո ֆուտբոլիստը հանդարտվել է:

Նշվում է նաև, որ Կրիշտիանու Ռոնալդուն հրաժարվել է մարզվել 2022 թվականի աշխարհի առաջնության 1/8 եզրափակիչի՝ Շվեյցարիայի հետ հանդիպման ժամանակ պահեստայինների նստարանին մնացած ֆուտբոլիստների հետ, և թիմի հիմնական կազմի հետ վերականգնողական աշխատանք է ընտրել, հաղորդում է Daily Mail-ը։ 

Հաջորդ հանդիպումը Պորտուգալիան կանցկացնի Մարոկկոյի հավաքականի հետ, որը 1/8 եզրափակիչում 11 մետրանոցներով ուժեղ գտնվեց Իսպանիայից: Խաղը կկայանա դեկտեմբերի 10-ին։