Անհետացել է Ռամզան Քադիրովին քննադատած չեչեն բլոգերը

Շվեդիայում անհետացել է չեչեն բլոգեր Թումսո Աբդուրախմանովը, որը քննադատում էր նախագահ Ռամզան Քադիրովին: Իրավապաշտպանները հայտնում են, որ բլոգերի հետ արդեն քանի օր է չեն կարողանում կապ հաստատել: 

 

Չեչնիայի իրավապաշտպան Vayfond ասոցիացիան  հայտնել է, որ Աբդուրախմանովի մահվան մասին տեղեկություն չունեն։ Իրավապաշտպանները հայտնել են, որ կազմակերպության ներկայացուցիչ Մոհմադ Աբդուրախմանովը, ով Թումսոյի եղբայրն է, «նույնպես անսպասելիորեն և առանց բացատրության, այլևս հասանելի չէ»։

 

Ավելի վաղ թելեգրամյան ալիքներում սկսել էին տարածվել Աբդուրախմանովի մահվան մասին տեղեկությունը։ Սակայն այս տեղեկությունը չի հաստատվել հենց Չեչնիայի իշխանական կառույցից: 

 

Թումսո Աբդուրախմանովը անջատողական հայացքներով, անկախ Իչկերիայի կողմնակիցն է։ YouTube-ի իր տեսանյութերում նա խոսում է Չեչնիայում մարդու իրավունքների խախտումների և պաշտոնյաների կողմից չարաշահումների մասին, ինչպես նաև հարցազրույցներ է վերցնում ընդդիմության ակտիվիստներից: Բլոգերը, 2015թ-ին զբաղեցնում էր չեչենական «Электросвязь» ձեռնարկության գլխավոր տնօրենի տեղակալի պաշտոնը, ստիպված է եղել լքել երկիրը Չեչնիայի ղեկավարի զարմիկի՝ Իսլամի  հետ կոնֆլիկտի պատճառով։ 

2020 թվականի փետրվարին մահափորձ է կատարվել Աբդուրախմանովի նկատմամբ։