Գերմանիայի քաղաքացիների մեծամասնությունը (71%) դեմ է Անգելա Մերկելի վերադարձին Գերմանիայի կանցլերի պաշտոնում։ 

Այդ մասին վկայում են Funke մեդիա խմբի պատվերով Civey սոցիոլոգիական ինստիտուտի անցկացրած հարցման արդյունքները։

Գերմանիայի բնակիչների 23%-ը կցանկանար, որ Մերկելը կրկին գլխավորի երկրի կառավարությունը։ Հարցվածների 6%-ը չի կարողացել պատասխանել հարցին։ Հարցման համաձայն՝ մասնակիցների 43%-ը նշել է, որ Մերկելն ավելի լավ է կատարել կանցլերի դերը, քան այժմ Օլաֆ Շոլցը։ Ընդ որում, Գերմանիայի արևելքում Մերկելի քաղաքականությունն ավելի բարձր է գնահատվում, քան արևմուտքում։

Հիշեցնենք, որ Անգելա Մերկելը Գերմանիայի կառավարությունը գլխավորել է 16 տարի՝ 2005-ից 2021 թվականներին։