Արցախի ՊՆ-ն հերքում է Ադրբեջանի տարածած տեղեկատվությունը հայկական քվադրոկոպտեր որսալու մասին
Արցախի պաշտպանության նախարարությունը հերքում է Ադրբեջանի պաշտպանության նախարարության տարածած տեղեկատվությունը` հայկական զինված ուժերի քվադրոկոպտեր որսալու մասին:
«Դա Ադրբեջանի հերթական ապատեղեկատվությունն է»,-«Արմենպրես»-ի հետ զրույցում ասաց Արցախի պաշտպանության բանակի հասարակայնության հետ կապերի պատասխանատու Սուրեն Սարումյանը:
Ադրբեջանական լրատվամիջոցները տեղեկատվություն են տարածել, համաձայն որի նոյեմբերի 26-ին` ժամը 11:28-ին, Ադրբեջանի տարածքում, որտեղ ժամանակավորապես տեղակայված են ռուս խաղաղապահները, «հայկական զինված խմբավորումներին պատկանող քվադրոկոպտերը հետախուզական թռիչք է իրականացրել Շուշքենդ բնակավայրի` Խոջալուի, Աղդամի շրջանի Էդդի Խիրման բլրի տարածքում իրենց ստորաբաժանումների վրա»:
