Ծինփինը մեղադրել է Թրյուդոյին բանակցությունների արտահոսքի մեջ

Չինաստանի Ժողովրդական Հանրապետության (ՉԺՀ) նախագահ Սի Ծինփինը քննադատել է Կանադայի վարչապետ Ջասթին Թրյուդոյին մամուլին իրենց բանակցությունների մասին տեղեկատվության արտահոսքի համար, հայտնում է CBC-ն։
 

Նման երկխոսություն է տեղի ունեցել երկու առաջնորդների միջև, երբ նրանք հանդիպել են Բալիում G20 գագաթնաժողովում: Ըստ զրույցի տեսագրության՝ Սի Ծինփինը թարգմանչի միջոցով Թրյուդոյին ասել է` «Դա անընդունելի է».

«Մենք այդպես չենք անում: Եթե ​​մենք խոսում ենք անկեղծության մասին, ապա պետք է հարգենք միմյանց»,- շարունակել է Չինաստանի նախագահը։

Թրյուդոն իր հերթին պատասխանել է Սի Ծինփինին. «Մենք կշարունակենք ազատ, բաց և անկեղծ երկխոսությունը։ Ես շարունակելու եմ մեր համատեղ կառուցողական աշխատանքը, բայց դեռ կլինեն թեմաներ, որոնց շուրջ մենք տարաձայնություններ կունենանք»:

Սի Ծինփինն ասել է. «Նախ ստեղծեք պայմանները»: 

Դրանից հետո երկու առաջնորդներն էլ միմյանց ձեռք են սեղմել ու բաժանվել։
 

Թե ինչ արտահոսք է զայրացրել Չինաստանի Ժողովրդական Հանրապետության նախագահին, նա չի հստակեցրել։ Միևնույն ժամանակ, նոյեմբերի 15-ին Global Times-ի կանադական հրատարակությունը, հղում անելով անանուն աղբյուրին, հայտնել է, որ G20-ի գագաթնաժողովի առաջին օրը Թրյուդոն զրույց է նախաձեռնել Սի Ծինփինի հետ, որի ընթացքում նրանք մի քանի րոպե քննարկել են Չինաստանի ենթադրյալ միջամտությունը Կանադայի ընտրություններին, ռուս-ուկրաինական հակամարտությունը և Հյուսիսային Կորեան:

G20-ի գագաթնաժողովը տեղի կունենա Բալիում նոյեմբերի 15-ից 16-ը։ Հանդիպմանը, մասնավորապես, խոսել են Սի Ծինփինը, Ուկրաինայի նախագահ Վլադիմիր Զելենսկին, ՌԴ ԱԳ նախարար Սերգեյ Լավրովը և Եվրոպական խորհրդի նախագահ Շառլ Միշելը։