Զելենսկին Իտալիայի նոր վարչապետին հրավիրել է Կիև. հայտնի է` ինչ են զրուցել
Իտալիայի նոր վարչապետ Ջորջա Մելոնին Կիև կայցելի հավանաբար նոյեմբերի առաջին շաբաթներին՝ անվտանգության կանոններին համապատասխան: Այս մասին հայտնում է La Stampa-ն։ Տեղեկատվությունը փոխանցում է gazeta.ru-ն:
Իտալիայի վարչապետը հեռախոսազրույց է ունեցել Ուկրաինայի նախագահ Վլադիմիր Զելենսկիի հետ: Հեռախոսազրույցի ընթացքում Զելենսկին Մելոնիին հրավիրել է Կիև։ Իր հերթին Մելոնին հավաստիացրել է Զելենսկիին, որ լիակատար աջակցում է Ուկրաինային:
Այս պահին Իտալիայի նոր վարչապետի Ուկրաինա մեկնելու հստակ ժամկետներ չկան։
Նշվում է, որ Իտալիայի նոր վարչապետի ծրագրում առաջին կետերից մեկը կլինի նաև Հյուսիսատլանտյան դաշինքի գլխավոր քարտուղար Յենս Ստոլտենբերգի հետ հանդիպումը:
