«Ուկրաինայի զինված ուժերն առաջին հերթին ՀՕՊ միջոցների կարիք ունեն». Շմիգալ
Կիևն Արևմուտքից ակնկալում է հակաօդային պաշտպանության համակարգեր և անօդաչու թռչող սարքերին հակազդելու միջոցներ: Այս մասին հայտարարել է Ուկրաինայի վարչապետ Դենիս Շմիգալը գերմանական Frankfurter Allgemeine Zeitung թերթի հետ հարցազրույցում:
Շմիգալը հայտնել է, որ Ուկրաինայի զինված ուժերն առաջին հերթին ՀՕՊ միջոցների կարիք ունեն. Ռուսաստանը գործարկում է կամիկաձե դրոններ, որոնք դժվար է խոցել։
«Անհամբերությամբ սպասում ենք զինամթերքի մատակարարման հաջորդ խմբաքանակին»,- ասել է Ուկրաինայի վարչապետը՝ հույս հայտնելով, որ մատակարարումը տեղի կունենա նոյեմբերին:
Վերջինս հավելել է, որ եթե առաջիկա ձմռանը Ուկրաինայում չապահովվեն պատշաճ էներգամատակարարում, ջրամատակարարում և ջեռուցում, ապա Եվրոպան կբախվի միգրացիոն աղետի։
