Բեգլարյանը՝ «Հայաստանն այլևս ռեսուրս չունի պաշտպանելու Արցախը» հայտարարության մասին

Արցախի պետնախարար Արտակ Բեգլարյանը լրագրողների հետ զրույցում հայտարաել է, որ Արցախն ու Հայաստանի Հանրապետությունը միասնական չդիտարկելը սխալ է և վտանգավոր։

Մեկնաբանելով ՀՀ իշխանությունների հայտարարությունները, թե Հայաստանն այլևս ռեսուրս չունի պաշտպանելու Արցախը՝ Բեգլարյանը պատասխանել է.

«Արցախն ու Հայաստանի Հանրապետությունը ամբողջական շահերի և արժեքների համախումբ են, և մեկ միասնական հայրենիքում ենք մենք գտնվում։ Մեր խնդիրները միասնական են, մեր լուծումները պետք է լինեն միասնական։

Արցախը Հայաստանի Հանրապետությունից անջատված դիտարկելը բավականին վտանգավոր է և սխալ է։ Համազգային ամբողջ ներուժը պետք է միավորենք, որպեսզի կարողանանք դժվարին մարտահրավերները հաղթահարել»։

Ըստ Բեգլարյանի՝ մեզ սպասվող երկարատև և ոչ հեշտ պայքարում պետք է լինենք հետևողական, սկզբունքային, առաջնորդվենք ռազմավարական մտածելակերպով։