ՏԵՍԱՆՅՈՒԹ. Հյուսիսային հոսքի» վնասումը հզոր պայթյունների հետևանք է. հրապարակվել են առաջին ստորջրյա կադրերը
Շվեդական Expressen թերթը հրապարակել է «Հյուսիսային հոսք» գազատարների վնասման առաջին կադրերը։Այս հրատարակությունը նկարահանելու բացառիկ թույլտվություն է ստացել իշխանություններից։
«Նման հաստ մետաղը վնասելու համար շատ մեծ ջանքեր են պահանջվում, ինչպես տեսնում ենք»,- դրոնի օպերատոր Թրոնդ Լարսենի խոսքը մեջբերում է հրատարակությունը:
Շվեդիայում գազամուղների պայթյունը հետաքննում է Säpo անվտանգության ոստիկանությունը։
Կոպենհագենի ոստիկանությունն իր հերթին հայտարարել է, որ զինված ուժերի աջակցությամբ և Նորվեգիայի ոստիկանության անվտանգության ծառայության հետ համագործակցությամբ Բալթիկ ծովում արտակարգ պատահարի նախնական հետաքննություն է անցկացրել:
«Հետաքննությունը հաստատել է, որ Դանիայի բացառիկ տնտեսական գոտում «Հյուսիսային հոսք 1 և 2» գազամուղներին զգալի վնաս է հասցվել, և որ վնասը հզոր պայթյունների հետևանք է»,- ասված է ոստիկանության հաղորդագրության մեջ:
Այնտեղ նշել են, որ դեռևս վաղաժամ է խոսել հետաքննությանը Շվեդիայի և Գերմանիայի հնարավոր մասնակցության մասին:
Սեպտեմբերի 26-ին ռուսական երկու արտահանման գազատարների՝ «Հյուսիսային հոսք» և «Հյուսիսային հոսք 2»-ի վրա միաժամանակ տեղի են ունեցել ահաբեկչություններ։
Պայթյունները տեղի են ունեցել Շվեդիայի և Դանիայի բացառիկ տնտեսական գոտիներում։
