ԵՄ-ը Ուկրաինայի համար Եվրոպայից ուղղակի զենք գնելու հիմնադրամ կստեղծի. Մակրոն
Եվրամիությունը կստեղծի 100 միլիոն եվրոյի հիմնադրամ, որը թույլ կտա Ուկրաինային զենք գնել անմիջապես Եվրոպայից։ Այս մասին այսօր Պրահայում ԵՄ առաջնորդների ոչ պաշտոնական գագաթնաժողովից հետո հայտարարել է Ֆրանսիայի նախագահ Էմանուել Մակրոնը, գրում է Известия-ն։
Պետության ղեկավարը նշել է, որ այս հիմնադրամը թույլ կտա Ուկրաինային անհրաժեշտության դեպքում եվրոպական արդյունաբերությունից գնել սարքավորումներ, որոնք անհրաժեշտ են ռազմական գործողություններ վարելու համար։
Մակրոնը նաև նշել է, որ Ֆրանսիան պատրաստ է շարունակել Ուկրաինային «պաշտպանական զենք» մատակարարել և Դանիայի հետ քննարկում է «Caesar» նոր հրետանային ինքնագնաց կայանքները Ուկրաինային փոխանցելու հարցը։
