ՏԵՍԱՆՅՈՒԹ. Չինաստանը մեծ քանակությամբ զրահամեքենաներ է տեղափոխում դեպի Թայվանի հետ ափամերձ շրջան. ԶԼՄ
Չինաստանը մեծ քանակությամբ զրահամեքենաներ է տեղափոխում դեպի Թայվանի հետ ափամերձ շրջան՝ Ֆուձզյան նահանգ (Fujian) նահանգ:
Այս մասին է վկայում 8 ժամ առաջ հրապարակված տեսանյութը: Ռազմական տեխնիկան, որը տեղափոխվում է Չինաստանի զինված ուժերի կողմից, ջրի վրա շարժվելու հնարավորություն ունի։
Հիշեցնենք, որ Թայվան կղզում օգոստոսի 22-ին սկսվել են «Հանգուան» խոշորամասշտաբ զորավարժությունները: Զորավարժությունների նպատակը համազորային գործողությունների կատարման ընթացքում տարբեր զորատեսակների մարտունակության ստուգումն ու դրա բարձրացումն էր։
Նշենք, որ ՉԺՀ-ի կենտրոնական կառավարության եւ կղզու միջեւ պաշտոնական հարաբերություններն ընդհատվել են 1949 թվականին այն բանից հետո, երբ Չինաստանի կոմկուսի դեմ քաղաքացիական պատերազմում պարտություն կրած Գոմինդանի ուժերը՝ Չան Կայշիի գլխավորությամբ, տեղափոխվեցին Թայվան: Թայվանի եւ մայրցամաքային Չինաստանի միջեւ գործարար եւ ոչ պաշտոնական շփումները վերսկսվել են 1980-ական թվականների վերջին:
