ՏԵՍԱՆՅՈՒԹ. Վերին Լարսում մեքենաների հերթը կիլոմետրերով ձգվում է. կադրեր են հրապարակվել
Վերին Լարսում մեքենաների հերթը կիլոմետրերով ձգվում է. Sputnik Грузия-ն կադրեր է հրապարակել:
Այս իրավիճակի մասին հուլիսի 28-ին հաղորդել էր վրացական «Մտավարի արխի» հեռուստաալիքը: Մեծ քանակությամբ տրանսպորտային միջոցների պատճառով Լարսի անցակետը չի կարող բաց թողնել դրանք։ Ծանրաքաշ մեքենաներից հերթը սկսվում է Մցխեթա քաղաքից ոչ հեռու գտնվող Նատախտարի բնակավայրից։ Վարորդներն ասում են, որ իրենք այդ հերթում են արդեն 10-14 օր։ Խցանման պատճառը Ռուսաստանից Վրաստան մեկնող ռուսական համարանիշներով անձնական ավտոմեքենաների հսկայական հոսքն է։ Իրավիճակը խորանում է նրանով, որ Լարսի անցակետում աշխատում են վրացական մաքսատան ընդամենը երեք աշխատակիցներ, իսկ մեքենաների հոսքը վերջին երկու-երեք շաբաթվա ընթացքում աննախադեպ է։
