ՀՀ քաղաքացիություն ստանալու համար դիմողների թիվը ահռելի ծավալների է հասել. Ֆիդանյան
Խորհրդարանում հրավիրված արտահերթ նիստի ժամանակ ՀՀ ոստիկանության պետի տեղակալ Արա Ֆիդանյանը ՀՀ քաղաքացիության մասին օրենքում փոփոխություններ և լրացումներ կատարելու մասին օրենքի նախագծի քննարկման ընթացքում ասաց որ ՀՀ քաղաքացիություն ստանալու համար դիմողների թիվը հատկապես վերջին 2 ամսում ահռելի ծավալների է հասել, էապես ավելացել են նաև նույնականացման քարտ ստանալու համար դիմողները:
«Նախագծի նպատակն է տնտեսության, գիտության, մշակույթի, առողջապահության, սպորտի ոլորտները զարգացնելու նպատակով ընդլայնել պարզեցված կարգով քաղաքացիություն ստացող այն անձանց շրջանակը, որոնք իրենց նշանակալի ավանդը կունենան մի շարք ոլորտներում»,- նշեց Ֆիդանյանը:
ԱԺ նիստում նախագիծն ընդունվեց՝ ստանալով 58 կողմ ձայն:
