18+. ՏԵՍԱՆՅՈՒԹ. Ուզբեկստանի Նուկուսում ողջ գիշեր անկարգությունները չեն դադարել. ուժայինները հրազեն են կիրառել
Ուզբեկստանում չնայած պարետային ժամին, բողոքի ցույցերը Նուկուսի փողոցներում՝ Կարակալպակստանի մարզում, ամբողջ գիշեր չեն դադարել: Սոցցանցերի օգտատերերը տարածում են սարսափելի կադրեր: Իշխանությունները կարգադրել են ուժայիններին դաժանորեն ճնշել բողոքի ցույցերը՝ հաղորդվում է հրազենի կիրառման մասին։ Զոհերի ու վիրավորների թիվը դեռ պաշտոնապես չի հաղորդվում, սակայն հավանական է, որ նրանց թիվը գերազանցի մի քանի տասնյակը։
Այս պահին, ըստ Ուզբեկստանի ՆԳՆ-ի, կարգուկանոնը վերականգնվել է, աշխատանքներ են տարվում ցուցարարների հետ։
Հիշեցնենք, որ Կարակալպակստանի ինքնավար հանրապետության մայրաքաղաքում բողոքի ցույցերը չեն հանդարտվում արդեն մի քանի օր. մարդիկ զայրացած են երկրի Սահմանադրության մեջկ ատարվող փոփոխություններից, որոնք հուշում են, որ «ինքնիշխան» բառը կհեռացվի իրենց մարզի ինքնավար կարգավիճակի բնութագրից:
