«Բերձորն ու Աղավնոն տանք, նպաստ ու նվազագույն աշխատավարձ բարձրացնենք». Հովսեփյան
ԱԺ «Իմ քայլը» խմբակցության նախկին պատգամավոր Սոֆյա Հովսեփյանը, անդրադառնալով Կառավարության նիստում Նիկոլ Փաշինյանի այն հայտարարությանը, որ եկող տարվա հունվարից հնարավոր կլինի բարձրացնել նվազագույն աշխատավարձը, կենսաթոշակներն ու մինչև երկու տարեկան երեխայի խնամքի նպաստը, գրառում է արել.
«Բերձորն ու Աղավնոն տանք, նպաստ ու նվազագույն աշխատավարձ բարձրացնենք։
Ու կլռեն նրանք, քանզի 5000 դրամ եկամուտը կավելանա»։
Հիշեցնենք, որ զուգահեռ իրականությունում կառուցվում է Բերձորին (Լաչին) փոխարինող այլընտրանքային ճանապարհը, որը պետք է կապի Հայաստան Արցախին: Այլընտրանքային այս ճանապարհի գործարկման դեպքում Ադրբեջանին են անցնում Բերձորն ու Աղավնոն: Տարածքներ, որում հայեր են ապրում:
