Ինչ փոփոխություններ կլինեն ազգային վարորդական իրավունքով ՀՀ քաղաքացիների համար Ռուսաստանում
Չորեքշաբթի Պետդուման առաջին ընթերցմամբ օրինագիծ է ընդունել, որը նախատեսում է Ռուսաստանում ճանաչել ՀՀ քաղաքացիների ազգային վարորդական վկայականները Ռուսաստանի Դաշնությունում ձեռնարկատիրական եւ աշխատանքային գործունեություն ծավալելիս, հայտնում է ТАСС-ը։
«Ծրագրված փոփոխությունները Ռուսաստանի Դաշնության տարածքում Հայաստանի Հանրապետության քաղաքացիների ազգային վարորդական վկայականների ճանաչում են նախատեսում՝ տրանսպորտային միջոցներ վարելու հետ կապված ձեռնարկատիրական եւ աշխատանքային գործունեության իրականացման համար»,- ասված է բացատրական գրության մեջ։
