«Բախտավոր է, որ իրեն լսել են». մոտ 10 օր անհետ կորած երեխային գտել են կոյուղում

 Գերմանիայում անհետ կորած 8-ամյա երեխային անհետանալուց մեկ շաբաթ անց ողջ են գտել։ Այս մասին հայտնում է The Sun-ը։

Ջո անունով տղան անհետացել է 2022 թվականի հունիսի 17-ին Օլդենբուրգում։ Մեկ շաբաթվա ընթացքում ծնողներն ու փրկարարները լայնածավալ որոնումներ են սկսել, սակայն չեն կարողացել գտել երեխային:

2022 թվականի հունիսի 25-ի առավոտյան տեղի բնակիչներից մեկը ահազանգել է ոստիկանություն և հայտնել, որ հեղեղատար կոյուղուց թույլ նվնվոցի ձայն է գալիս։ Դեպքի վայր ժամանած փրկարարները այնտեղ հայտնաբերել են կորած տղային։

«Ես չգիտեի, որ դա Ջոն է: Նա ողջ ու անվնաս տեսք ուներ։ Չեմ կարող հավատալ, որ նա այնտեղ էր և ողջ: Շատ բախտավոր է, որ իրեն լսեցին. այստեղ շատ մեքենաներ են անցնում, և աղմուկի մակարդակն ավելի բարձր է»,- պատմում է իրադարձությունների ականատեսը։

Երեխային կոյուղուց հանելուց հետո նրան տեղափոխել են տեղի հիվանդանոց։ Ի զարմանս բժիշկների՝ տղայի վրա վնասվածքներ չեն հայտնաբերվել, կյանքին ու առողջությանը ոչինչ չի սպառնում։

Այս պահին իրավապահները հետաքննում են, թե ինչպես է երեխան մտել կոյուղի ու կարողացել ողջ մնալ։