ԱՄՆ-ն Ուկրաինային արդեն հատկացրել է 5,6 միլիարդ դոլար ռազմական օգնություն. Սպիտակ տուն

Ռուսական ռազմական գործողության սկզբից ի վեր ԱՄՆ-ն Ուկրաինային տրամադրել է 5,6 միլիարդ դոլարի ռազմական օգնություն, ասել է Սպիտակ տան Ազգային անվտանգության խորհրդի ռազմավարական հաղորդակցությունների համակարգող Ջոն Քիրբին։

«Ռազմական օգնության ընդհանուր գումարը, որը մենք հատկացրել ենք Ուկրաինային (ռուսական ռազմական գործողության սկզբից ի վեր) փետրվարի վերջին կազմում է մոտավորապես 5,6 միլիարդ դոլար»,- ճեպազրույցում ասել է Քիրբին:

Նախագահ Ջո Բայդենի իշխանության գալուց հետո ընդհանուր օգնությունը կազմել է մոտ 6,3 միլիարդ դոլար, ասել է նա:

Ավելի վաղ Բայդենը հայտարարել էր Կիևին 1 մլրդ դոլարի ռազմական օգնության նոր փաթեթ հատկացնելու մասին։