Եթե միջուկային պատերազմի սկսվի, ապա հաղթողներ չեն լինելու. Լավրով
Ռուսաստանի Դաշնությունը հաստատակամորեն հավատարիմ է այն դիրքորոշմանը, որ միջուկային պատերազմ երբեք չպետք է սանձազերծվի։ Այս մասին ՏԱՍՍ-ին տված հարցազրույցում ասել է ՌԴ արտգործնախարար Սերգեյ Լավրովը։
Լավրովի խոսքով, եթե մի օր աշխարհում միջուկային պատերազմ սանձազերծվի, դրանում հաղթողներ չեն լինի։ Ուստի Ռուսաստանը համոզված է, որ չի կարելի թույլ տալ, որ նման իրադարձություններ տեղի ունենան։ Մոսկվան այս մասին բազմիցս հայտարարել է ՄԱԿ-ի Անվտանգության խորհրդում և ԱՄՆ-ի հետ գագաթնաժողովներում։
Լավրովը նաև մեկնաբանել է ԱՄՆ-ի մասնակցությունը Ուկրաինայում ռազմական կենսաբանական գործունեությանը։ Նրա խոսքով՝ ուկրաինական տարածքում մոտ 30 լաբորատորիաներ զբաղվում էին ծայրահեղ վտանգավոր պաթոգենների ստեղծմամբ և պատրաստվում էին մարդկանց վրա հետազոտություններ անցկացնել։ Ռուսաստանում արդեն ստեղծվել է հանձնաժողով, որը պետք է հետաքննի այս հարցը։
