ՄԱԿ-ը հայտարարել է Ուկրաինայում միջուկային պատերազմի հնարավոր սպառնալիքի մասին
ՄԱԿ-ի հումանիտար հարցերի համակարգման գրասենյակի (OCHA) շտապ մարդասիրական օգնության համակարգման տնօրինության ղեկավար Ռամեշ Ռաջասինգհեմը հայտարարել է, որ Ուկրաինայում հնարավոր է դարձել միջուկային պատերազմի հեռանկարը, փոխանցում է РИА Новости-ն։
«Միջուկային հակամարտության հեռանկարը, որը ժամանակին անհնար էր պատկերացնել, այժմ կրկին հնարավոր է», - ասել է նա:
Ռաջասինգհեմը նաև նշել է, որ ուկրաինացի շատ խաղաղ բնակիչներ զրկված են սննդից, ջրից և էլեկտրականությունից:
Ուկրաինայում ռուսական հատուկ գործողության և Կիևին արևմտյան ռազմական տեխնիկա մատակարարելու ֆոնին քաղաքական գործիչները սկսել են ավելի ու ավելի շատ խոսել միջուկային պատերազմի սպառնալիքի մասին։
Այսպես, Գերմանիայի արտաքին գործերի նախարար Անալենա Բերբոկը հայտարարել է, որ Ուկրաինայում տեղի ունեցողի պատճառով չի կարելի ամբողջությամբ բացառել միջուկային պատերազմի վտանգը։
Ռուսաստանի արտաքին գործերի նախարար Սերգեյ Լավրովը հայտարարել է, որ միջուկային պատերազմի սպառնալիքը «իրական է», իսկ դրա անթույլատրելիությունը Ռուսաստանի սկզբունքային դիրքորոշումն է։
