ՄԱԿ-ը Ուկրաինայում զոհերի ընդհանուր թիվ է հայտնում

 Ռուսաստանի Ուկրաինա զանգվածային ներխուժման սկզբից ի վեր 3752 խաղաղ բնակիչ է զոհվել, 4062-ը՝ վիրավորվել, հայտնում է ՄԱԿ-ը։

Մահացածների թվում 250 մարդ երեխաներ են։

ՄԱԿ-ը նշում է, որ իրական զոհերի թիվն ավելի մեծ է, բայց այն վայրերից, որտեղ ինտենսիվ մարտեր են ընթանում, տեղեկություններն ուշ են հասնում, և շատ տեղեկություններ դեռ պետք է հաստատվեն:  Մասնավորապես, Մարիուպոլում, Իզյումում և Պոպասնայում, որտեղ, իբր, տուժել են բազմաթիվ խաղաղ բնակիչներ, զոհերի թվի մասին ամբողջական տեղեկատվություն չկա։

 Զեկուցված մահերի և վիրավորների մեծ մասը առաջացել են հեռահար պայթուցիկ զենքերից, ներառյալ՝ ծանր հրետանին և հրթիռային մի քանի հարձակումները, ինչպես նաև հրթիռային հարվածներն ու օդային հարվածները, հայտնել է ՄԱԿ-ը: