Կիևում մոտ 40 երկրների դեսպանատներ վերսկսել են աշխատանքը
Ուկրաինայի նախագահ Վլադիմիր Զելենսկին հայտարարել է, որ Կիևում 37 երկրների դեսպանատներ վերսկսել են աշխատանքը:
Նա վստահություն է հայտնել, որ մնացած դիվանագիտական ներկայացուցչությունները նույնպես կվերսկսեն իրենց գործունեությունն Ուկրաինայի մայրաքաղաքում։
«Մենք պետք է վերադառնանք աշխատանքի և վերականգնենք ամբողջ ուկրաինական բիզնեսը», - ասել է նախագահը՝ Telegram-ի իր ալիքում հրապարակված տեսաուղերձում։
