Հիսուս Քրիստոսի արձանն ընտրված է

Հիսուսի հուշարձանը ընտրված է։ Գագիկ Ծառուկյանի սոցիալական ցանցերի փոխանցմամբ՝ քաղաքացիների մրցույթի և քվեարկության արդյունքներով հաղթել է քանդակագործ Արմեն Սամվելյանի էսքիզը։ 

«Այսօր ամփոփվեց Հիսուս Քրիստոսի մոնումենտալ արձան-համալիրի նախաձեռնության մրցութային փուլը:
 

Հանձնախումբը և ժողովուրդը համակարծիք էին: Շնորհավորում եմ տաղանդավոր քանդակագործ Արմեն Սամվելյանին և շնորհակալ եմ բոլորին՝ պատասխանատու և պրոֆեսիոնալ մոտեցման համար: Ուրախ եմ, որ Փրկչի մոնումենտալ արձան-համալիր ունենալու գաղափարը համախմբել էր քանդակագործների՝ Հայաստանից, Արցախից և Սփյուռքից:
 

Շնորհակալ եմ հանձնախմբին՝ ավելի քան 4 ամիս շարունակ սրտացավ աշխատանքի համար:
 

Հայաստանը պետք է կարողանա նորովի ներկայանալ աշխարհին. մենք հին մշակույթով, հին գրականությամբ, հին պատմությամբ ազգ ենք, և աշխարհը մեզ այդպես պետք է ճանաչի»,- նշվում է Գագիկ Ծառուկյանի ֆեյսբուքյան էջի հաղորդագրությունում։

Հիշեցնենք, որ ՀՀ կրթության, գիտության, մշակույթի և սպորտի նախարարության խնդրանքով հուշարձանը պետք է տեղադրվի մշակութային և պատմական արժեք չներկայացնող տարածքում։