ԱՄՆ հետախուզությունը չի տրամադրում տվյալներ ռուս բարձրաստիճան պաշտոնյաների գտնվելու վայրի մասին. Պենտագոնի խոսնակ
ԱՄՆ-ը մարտադաշտի վերաբերյալ հետախուզական տվյալներ է ուղարկում Ուկրաինա, սակայն դրանք չեն պարունակում տեղեկատվություն ռուս ռազմական ղեկավարների գտնվելու վայրի մասին: Այս մասին հայտարարել է Պենտագոնի խոսնակ Ջոն Քիրբին՝ անդրադառնալով The New York Times-ի հրապարակմանը:
«ԱՄՆ-ն ռազմադաշտային հետախուզություն է տրամադրում ուկրաինացիներին պաշտպանելու իրենց երկիրը: Մենք դրա մասին էինք խոսում։ Մենք հետախուզական տվյալներ չենք տրամադրում ռազմի դաշտում ռուս բարձրաստիճան զինվորականների գտնվելու վայրի մասին», - ասել է Քիրբին հերթական ճեպազրույցի ժամանակ։
Բացի այդ, նրա խոսքով, Վաշինգտոնը ներգրավված չէ «ուկրաինական զինված ուժերի հարվածների թիրախների ընտրության վերաբերյալ որոշումներ կայացնելու մեջ»։
