Իսրայելը դիտարկում է Ուկրաինային ռազմական օգնության ընդլայնման հնարավորությունը

Իսրայելի իշխանությունները դիտարկում են Ուկրաինային ռազմական օգնության ընդլայնման հնարավորությունը՝ ԱՄՆ-ի համապատասխան խնդրանքից հետո։ Այս մասին գրում է ТАСС-ը՝ հղում տալով ամերիկյան Axios պորտալին:

Նրա խոսքով՝ այս խնդրանքը ամերիկյան կողմը հնչեցրել է անցյալ շաբաթ Սպիտակ տանը ԱՄՆ ազգային անվտանգության հարցերով խորհրդական Ջեյք Սալիվանի և Իսրայելի ազգային անվտանգության խորհրդի ղեկավար Էյալ Հուլաթայի հանդիպման ժամանակ, ինչպես նաև պաշտպանության գերատեսչությունների միջև բանակցությունների ժամանակ:

Իսրայելցի մի պաշտոնյա, որի անունը չի նշվում, Axios-ին ասել է, որ իր կառավարությունը քննարկում է Կիևին ռազմական օգնություն տրամադրելու հարցը և, հավանաբար, դա կանի, քանի դեռ Ուկրաինայում հակամարտությունը շարունակվում է: