ԱԺ աշխատակազմին ուղարկու՞մ են տուն․ խորհրդարանից մեկնաբանել են լուրը
Ես աշխատակազմից եմ ու ինձ նման բան ոչ-ոք չի ասել։ Այս մասին Auroranews-ի հետ զրույցում ասաց ԱԺ նախագահի խոսնակ Ծովինար Խաչատրյանը` մեկնաբանելով տարածված լուրերը, թե ԱԺ աշխատակազմին ուղարկում են տուն:
Նշենք, որ ԶԼՄ-ները տեղեկություններ են տարածում, թե ԱԺ աշխատակազմին ուղարկում են տուն:
Ժամը 16։30-ին նախատեսվում է ԱԺ-կառավարություն հարցուպատասխան, որին ներկա է լինելու նաև ՀՀ վարչապետ Նիկոլ Փաշինյանը։
Հիշեցնենք, որ ԱԱԾ-ն քիչ առաջ հայտարարություն էր տարածել, թե տվյալներ են ստացվել, որ Երևան քաղաքում անցկացվող հավաքի կազմակերպիչները մտադրված են այսօր անցկացվող ՀՀ ԱԺ հերթական նստաշրջանի ընթացքում սադրանքների միջոցով հրահրել հակաօրինական գործողություններ և դրդել հավաքի մասնակիցներին զավթել ԱԺ շենքը և հարկադրել կատարելու որևէ գործողություն՝ այդ կերպ ապակայունացնել երկրի ներքին անվտանգությունը։
Նաև նշենք, որ ԱԺ դարպասները զոդված են, ներսում տեղադրված են լուսաձայնային նռնակներ։
