Նյու Յորքում կանգնեցվել է հղի Ռիհաննայի արձանը
Կոստյումների ինստիտուտի Met Gala-ի ամենամյա պարահանդեսի կապակցությամբ Մետրոպոլիտեն թանգարանի (Նյու Յորք, ԱՄՆ) սրահներից մեկում հայտնվել է հղի Ռիհաննայի մարմարե քանդակը: Այս մասին գրում է Gazeta. ru-ն:
Ռիհաննան, ով սպասում է իր առաջնեկին, այս տարի չի ներկայացել Met Gala-ին (2022-ին պարահանդեսի թեման էր «Ոսկեզօծ դարը»՝ ԱՄՆ պատմության վառ շրջանը, որը տևեց 1870-ականներից մինչև 1890-ականները), բայց սոցցանցում մեկնաբանել է իր պատվին ստեղծված քանդակը
«Սրանից ավելի ոսկեզօծ ի՞նչ կարող է լինել. Զվարճալի է», - գրել է նա:
