ՄԱԿ-ի Անվտանգության խորհուրդը մայիսի 5-ին կքննարկի Ուկրաինայում տիրող իրավիճակը
Միավորված ազգերի կազմակերպության (ՄԱԿ) Անվտանգության խորհուրդը մայիսի 5-ին հանդիպում կանցկացնի Ուկրաինայում տիրող իրավիճակի հարցով, կնախագահի Միացյալ Նահանգները։ Այս մասին հայտնում է ՏԱՍՍ-ը։
Հանդիպումը կմեկնարկի Մոսկվայի ժամանակով 22:00-ին (Երևանի ժամանակով 23:00)։ Ավելի վաղ ՄԱԿ-ում Մեծ Բրիտանիայի մշտական ներկայացուցիչ Բարբարա Վուդվորդը հայտարարել էր, որ քննարկվելու է նաև ՄԱԿ-ի գլխավոր քարտուղար Անտոնիո Գուտերեշի այցը Կիև։
Ավելի վաղ ՄԱԿ-ում Ռուսաստանի Դաշնության մշտական ներկայացուցչության իրավական բաժնի ղեկավար Սերգեյ Լեոնիդչենկոն հայտարարել էր, որ Ռուսաստանը մայիսի 6-ին Ուկրաինայի հարցով Անվտանգության խորհրդի ոչ պաշտոնական նիստ կանցկացնի։
