Ռուսաստանը չի արագացնի Ուկրաինայում ռազմական գործողության տեմպերը մինչև մայիսի 9-ը

Ռուս զինվորականները «արհեստականորեն չեն արագացնի» Ուկրաինայում հատուկ ռազմական գործողության անցկացումը՝ գալիք Հաղթանակի օրվա պատճառով, հայտարարել է ՌԴ ԱԳ նախարար Սերգեյ Լավրովը, գրում է Kommersant. ru-ն:

«Մեր զինվորականները արհեստականորեն չեն հարմարեցնի իրենց գործողությունները որևէ ամսաթվի, այդ թվում՝ Հաղթանակի օրվան»,- համապատասխան հարցին պատասխանել է Լավրովը իտալական Mediaset հեռուստաընկերությանը տված հարցազրույցում: 

«Ուկրաինայում գործողության տեմպը առաջին հերթին կախված է խաղաղ բնակչության և ռուս զինվորականների համար ցանկացած ռիսկ նվազագույնի հասցնելու անհրաժեշտությունից»,- պարզաբանել է արտգործնախարարը։
 

Ուկրաինայում փետրվարի 24-ից շարունակվում է Ռուսաստանի հատուկ ռազմական գործողությունը։