Ռուսաստանից հեռանալու պատճառով McDonald's-ի կորուստները 2,5 անգամ գերազանցել են կանխատեսվածը

Ռուսաստանի Դաշնությունից դուրս գալու պատճառով McDonald's-ի կորուստները 2,5 անգամ գերազանցել են կանխատեսվածը: Այս մասին գրում է Говорит Москва-ն:

Ամերիկյան ցանցը 127 միլիոն դոլար է ծախսել Ռուսաստանում և Ուկրաինայում աշխատողների համար տարածքների վարձակալության և աշխատավարձերի վրա՝ նախատեսված 50 միլիոն դոլարի փոխարեն։
 

Հատուկ գործողության մեկնարկից հետո երկու երկրներում էլ փակվել են արագ սննդի ռեստորանները։ McDonald's-ը դուրս է գրել 100 միլիոն դոլարի չվաճառված պաշար, որը մեծ հավանականությամբ ոչ պիտանի կդառնա, ասվում է ընկերության զեկույցում: