Յարոշենկոն ասել է, որ իրեն խոշտանգել են ամերիկյան բանտերում և վնասել իր առողջությունը
Ռուսաստանցի օդաչու Կոնստանտին Յարոշենկոն, որն այսօր փոխանակվել է ամերիկացի Թրևոր Ռիդի հետ, ասել է, որ իր առողջական վիճակը վատթարացել է ամերիկյան բանտերում վատ վերաբերմունքի և խոշտանգումների պատճառով։ Այս մասին հայտնում է ՏԱՍՍ-ը։
Իր առողջական վիճակի մասին հարցին Յարոշենկոն նշել է, որ այն «իհարկե, այնքան էլ լավ չէ»։
«Ի՞նչ արեցին ինձ ԱՄՆ իշխանություններն այս 12 տարվա ընթացքում՝ իմ առևանգման պահից, խոշտանգումների պահից սկսած։ Ամերիկյան բանտերում իմ նկատմամբ վերաբերմունքն ամենալավը չէր»,- ասել է Յարոշենկոն։
Նախկինում նա հայտարարել էր, որ գրեթե 12 տարի անցկացրել է ԱՄՆ բանտում իզուր։
