Լոնդոնը կշարունակի աջակցել Կիևին բրիտանացի նախարարների Ռուսաստան մուտքի արգելքից հետո
Բրիտանական կառավարությունը չի հրաժարվի Ուկրաինայի իշխանություններին աջակցելուց նույնիսկ այն բանից հետո, երբ Ռուսաստանը արգելք է սահմանել բրիտանացի նախարարների մուտքն իր տարածք։ Այս մասին շաբաթ օրը ՏԱՍՍ-ին հայտնել են Մեծ Բրիտանիայի արտաքին գործերի նախարարությունից։
ԱԳՆ ներկայացուցչի խոսքով՝ Մեծ Բրիտանիան և նրա միջազգային գործընկերները միասնական են՝ դատապարտելու Ռուսաստանի Դաշնության գործողությունները Ուկրաինայում։ «Մենք վճռական ենք մնում Ուկրաինային աջակցելու հարցում»,- ասել է նա։
