Զելենսկու ձեռքերը մինչև արմունկներն արյունոտ են․ ինչ է պատմել Ուկրաինայի նախկին վարչապետը

Եվրոպական երկրները աչք են փակում Ուկրաինայում տիրող անօրինությունների վրա և աջակցում են Վլադիմիր Զելենսկիին, ով իր բնակչությանը որպես պատանդ օգտագործում է իշխանությունը պահպանելու համար։ Նման կարծիք REN TV-ին տված հարցազրույցում հայտնել է Ուկրաինայի նախկին վարչապետ Նիկոլայ Ազարովը։ 

Որպես մոլեգնող անօրինականության օրինակ՝ քաղաքական գործիչը օրինակ է բերել  խորհրդարանի պատգամավոր, Ուկրաինայի բանակցային խմբի անդամ Դենիս Կիրեևի սպանությունը։

 Նրա գլխին կրակել են, իսկ մարմինը նետել են փողոց՝ Կիևի կենտրոնում գտնվող Պեչերսկի դատարանի դիմաց։

«Երբ Զելենսկին ելույթ էր ունենում եվրոպական տարբեր երկրների խորհրդարաններում, իրեն ծափահարում էին, թեև նրանց կարելի էր հարցնել՝ արդյոք դա նորմալ երևույթ է, երբ պատգամավորին կարելի է գնդակահարել, իսկ մարմինը դուրս նետել դատարանի ուղղությամբ»։

Ազարովի խոսքով՝ Եվրախորհրդարանը թքած ունի Ուկրաինայում հանցագործությունների վրա։

«Զելենսկու ձեռքերը մինչև արմունկներն արյունոտ են, քանի որ այդ մեթոդն օգտագործվում է, երբ բնակչությանն օգտագործում են զինված ստորաբաժանումները՝ իր իսկ հրամանով, իհարկե, որպես պատանդ, հետևաբար՝ խաղաղ բնակչության շրջանում նման մեծ զոհեր կլինեն»,- ասել է Ազարովը։