Շվեդիայում խանութներից հանել են կեֆիրը, որի փաթեթավորումն ասոցացվում է Ռուսաստանի հետ

Շվեդիայում կաթնամթերք արտադրող Arla ընկերությունը դադարեցնում է կեֆիրի արտադրությունը, որի փաթեթավորման վրա պատկերված են Վասիլի Երանելու տաճարի գմբեթները։ Այս մասին հայտնում է ТАСС-ը։
 

«Ճիշտ է, որ Arla-ն որոշել է ժամանակավորապես դադարեցնել կեֆիրի վաճառքը։ Արտադրանքը 100%-ով շվեդական հումք է, սակայն փաթեթավորումը կապված է Ռուսաստանի հետ, ինչը մենք տեղին չենք համարում ներկա պայմաններում»,- ասել է Arla-ի ներկայացուցիչ Քերոլին Էլիզաբեթ Սթարքը։
 

Նա հավելել է, որ կեֆիրը խանութների դարակներ կվերադառնա այս տարի, բայց այլ դիզայնով։