Ռուսաստանը անձնական պատժամիջոցներ է սահմանել Բայդենի դեմ
Ռուսաստանը անձնական պատժամիջոցներ է սահմանել ԱՄՆ նախագահ Ջո Բայդենի դեմ, հայտնում է ՌԴ ԱԳՆ-ն։
«Ի պատասխան աննախադեպ պատժամիջոցների շարքի, որոնք, ի թիվս այլ բաների, արգելում են Ռուսաստանի Դաշնության բարձրագույն պաշտոնատար անձանց մուտքը ԱՄՆ, մարտի 15-ից ռուսական «ստոպ-ցուցակ» ընդգրկվում են փոխադարձության հիման վրա նախագահ Ջո Բայդենը, պետքարտուղար Էնթոնի Բլինկենը, պաշտպանության նախարար Լ.Օսթինը եւ շտաբների պետերի միացյալ կոմիտեի նախագահ Մարկ Միլին, ինչպես նաեւ մի շարք գերատեսչությունների ղեկավարներ եւ հայտնի ամերիկացի գործիչներ», - նշել են գերատեսչությունում, փոխանցում է Ռիա Նովոստին:
