Առաջին ալիքի խմբագրին 15 տարվա ազատազրկում է սպառնում
Առաջին ալիքի «Վրեմյա» հաղորդաշարի եթերում աշխատակիցներից մեկը բողոքի ակցիա է իրականացրել։ Նա կանգնել է հեռուստահաղորդավարուհի Եկատերինա Անդրեևայի թիկունքում և բացել է հակապատերազմական պաստառ։ Այս մասին գրում է tehnowar.ru-ն։
Եթերային բողոքի ակցիան կազմակերպել էր Մարինա Օվսյաննիկովան, ով աշխատում էր որպես խմբագիր։ Նրան տարել են Օստանկինոյի ոստիկանական բաժանմունք։ Ենթադրաբար, Առաջին ալիքի աշխատակցի նկատմամբ արձանագրություն է կազմվել Վարչական իրավախախտումների վերաբերյալ օրենսգրքի 20.3.3-րդ հոդվածով՝ զինվորական գրաքննության մասին՝ ՌԴ զինված ուժերը վարկաբեկելու համար։
Լրատվական թողարկման ժամանակ Օվսյանիկովին մի քանի վայրկյան ցույց տվեցին, իսկ հետո պատկերը փոխվեց։ Լրատվական թողարկումը չի դադարել։
Օվսյանիկովայի հայտնվելն՝ ըստ էության, դարձավ Առաջին ալիքի կադրային ձախողումը։ Մյուս կողմից, ոչ ոք անձեռնմխելի չէ սրանից։ Ինչո՞ւ։ Որովհետև երբեք չգիտես, թե ինչի է ընդունակ ընկերության այս կամ այն աշխատակիցը։
Մարինա Օվսյանիկովան դրանցից մեկն է։ Նա ամուսնու հետ աշխատում է Առաջին ալիքի միջազգային բաժնում։
Դեպքից անմիջապես հետո իրականացվել է ծառայողական վարույթ։ Այժմ հայտնի է դարձել, թե ինչ պատժամիջոցներ են սպառնում Մարինա Օվսյանիկովային և ինչ տուգանք պետք է վճարի Առաջին ալիքի հեռարձակումը խափանելու համար։ Այս պահին Մարինա Օվսյաննիկովան ենթարկվել է վարչական պատասխանատվության՝ մինչև 5 միլիոն ռուբլի տուգանք, սակայն նրան սպառնում է նաև քրեական պատասխանատվություն՝ ՌԴ ՔՕ 207.3 հոդվածով։ Հաշվի առնելով այն հանգամանքը, որ Օվսյաննիկովան աշխատել է հեռուստաալիքում և դրանով իսկ օգտվել է իր պաշտոնական դիրքից, նրան սպառնում է 5-ից 10 տարվա ազատազրկում` ՌԴ ՔՕ 207.3-րդ հոդվածի 2-րդ մասի «ա» կետի համաձայն։
