Zara-ն, Pull&Bear-ը, Massimo Dutti-ն, Bershka-ն, Stradivarius-ը չեն գործի Ռուսաստանում
Իսպանական Inditex հագուստի խանութների ցանցը, որին պատկանում են Zara և Bershka ապրանքանիշերը, որոշել է ժամանակավորապես դադարեցնել աշխատանքը Ռուսաստանում՝ Ուկրաինայում ՌԴ հատուկ ռազմական գործողության ֆոնին։
Այս մասին շաբաթ օրը հայտնել է Diario թերթը։
«Ինդիտեքսը հայտարարում է, որ ներկա պայմաններում չի կարող երաշխավորել գործունեության շարունակականությունը Ռուսաստանի Դաշնությունում և ժամանակավորապես դադարեցնում է 502 խանութներում իր գործունեությունը, ինչպես նաև առցանց առևտուրը երկրում», - գրել է կայքը՝ հղում անելով Inditex-ի հայտարարությանը։
Inditex ցանցն ունի ավելի քան 7 հազար խանութ մոտ 100 երկրներում։ Inditex-ի ամենահայտնի ապրանքանիշերից են Zara-ն, Pull&Bear-ը, Massimo Dutti-ն, Bershka-ն, Stradivarius-ը և Oysho-ն:
