Առաջիկա 24 ժամը որոշիչ է լինելու Ուկրաինայի համար․ Զելենսկին՝ Ջոնսոնին

Ուկրաինայի նախագահ Վլադիմիր Զելենսկին հեռախոսազրույց է ունեցել Մեծ Բրիտանիայի վարչապետ Բորիս Ջոնսոնի հետ: Այս մասին գրում է pravda.com-ը։ 

Զելենսկին ասել է, որ առաջիկա 24 ժամը վճռորոշ է համարում Ուկրաինայի համար։ Ջոնսոնն իր հերթին ասել է, որ կանի հնարավոր ամեն բան՝ օգնելու պաշտպանական օգնություն ապահովել Մեծ Բրիտանիայի և Ուկրաինայի դաշնակիցներից: 

Նրանք պայմանավորվել են սերտ շփումներ պահպանել։ Վարչապետը կրկնել է, որ Մեծ Բրիտանիան վճռականորեն աջակցում է Ուկրաինայի ինքնիշխանությանը։