ՏԵՍԱՆՅՈՒԹ. Ադրբեջացիները արցախցիներին սպառնացել են ուժ կիրառել. ինչ իրավիճակ է Արցախում՝ մեկնաբանում է Դավիթ Բաբայանը
Ինչ պետք է սպասենք ադրբեջանցիներից՝ միայն հակահայկական քաղաքականություն: Այս մասին Auroranews-ի հետ զրույցում ասաց Արցախի արտաքին գործերի նախարար Դավիթ Բաբայանը:
Հիշեցնենք՝ ադրբեջանական զինված ուժերի ներկայացուցիչներն Արցախի Հանրապետության Ասկերանի շրջանի Խրամորթ գյուղի վարչական սահմանների մոտ բարձրախոսով ձայնագրություն են միացրել, որում հայտարարվել է, թե բնակիչները պետք է լքեն բնակավայրը, այլեւս վար ու ցանք չանեն Խրամորթում, որ այն իբրեւ թե ադրբեջանական տարածք է եւ այլն։
Նրանք սպառնացել են նաև ուժ կկիրառել:
«Իրենք չեն հրաժարվել իրենց նենգ գործելաոճից: Արցախում լայնածավալ պատերազմ չի լինելու ու դրա համար կա երկու պատճառ՝ արցախցու կամքն ու ոգին անկոտրուն է, ռուս խաղաղապահները տեղում են: Կարևորն այն է, որ բնակչության շրջանում խուճապ չկա, թեև իրենք փորձում են հոգեբանորեն ճնշել տեղի հայերին և հերթական անգամ մեջքից կեղտոտ հարված են հասցնում ռուս խաղաղապահներին»,- նշեց Բաբայանը:
Արցախի ԱԳՆ-ից հետաքրքրվեցինք՝ ռուս խաղաղապեհները որևէ ձևով արձագանքել են այս միջադեպին, քայլեր ձեռնարկե՞լ են, նշեց, որ ցանկացած միջադեպի ժամանակ խաղապահները զսպող օղակ են հանդիսանում:
«Իրենք վաղուց կդիմեին արկածախնդրության, եթե խաղաղապահները չլինեին: Երբեք չպետք է մոռանանք, թե ով է Ադրբեջանը: Բայց դա չի նշանակում, թե պետք է ատենք հասարակ ժողովրդին: Ադրբաջան պետությունը նացիստական է՝ իրենցից ի՞նչ սպասենք»,- ընդգծեց մեր զրուցակիցը:
