Ռուսաստանի ԱԻՆ-ը բերվել է պատրաստության բարձր մակարդակի
Ռուսաստանի արտակարգ իրավիճակների նախարարությունը Ռոստովի շրջանում բերվել է պատրաստության բարձր մակարդակի՝ Դոնեցկից և Լուգանսկից եկող փախստականների հետ կապված իրավիճակով պայմանավորված: Այս մասին հայտնում է «ՌԻԱ Նովոստի»-ն: Նշվում է, որ օգնություն տրամադրելու գործընթացին ներգրավված է ավելի քան 400 մարդ և 150 միավոր տեխնիկա:
Ավելի վաղ Դոնեցկի և Լուգանսկի ինքնահռչակ հանրապետությունների ղեկավարները հայտարարել էին բնակիչների՝ դեպի Ռոստովի շրջան ժամանակավոր տարհանման մասին: Տարհանվողների առաջին շարքում են կանայք, երեխաներն ու տարեցները:
Հայտնի է, որ Լուգանսկից արդեն իսկ տարհանվել է ավելի քան 25 հազար, իսկ Դոնեցկից՝ 6600 մարդ:
