Պուտինն ու Բայդենը հեռախոսազրույց են ունեցել

ԱՄՆ-ի նախագահ Ջո Բայդենը և նրա ռուս գործընկեր Վլադիմիր Պուտինն ավարտել են հեռախոսազրույցը, որը տևել է մոտ մեկ ժամ, հայտնել է Սպիտակ տունը: 

«Նախագահ Բայդենի և Ռուսաստանի նախագահ Պուտինի զրույցը պաշտպանված կապի գծով ավարտվել է Արևելյան ափի ժամանակով ժամը 12:06-ին», – ասված է հաղորդագրության մեջ: 

Երկու առաջնորդների զրույցը, որն արդեն երրորդն է Ուկրաինայի շուրջ ճգնաժամի սկսվելուց ի վեր, մեկնարկել է ժամը 11:04-ին (Երևանի ժամանակով 20:04-ին): 

Բայդենի հետ խոսելուց առաջ Պուտինը զրուցել է Ֆրանսիայի նախագահ Էմանուել Մակրոնի և Բելառուսի նախագահ Ալեքսանդր Լուկաշենկոյի հետ: