Օտտավան կոչ է անում կանադացիներին լքել Ուկրաինան
Կանադայի իշխանությունները կոչ են արել իրենց քաղաքացիներին անհապաղ լքել Ուկրաինայի տարածքը։ Այս մասին հայտարարել է Կանադայի ԱԳ նախարար Մելանի Ժոլին։
«Մինչդեռ մենք շարունակում ենք սերտորեն համագործակցել մեր գործընկերների հետ և հետևել իրավիճակին, ես կոչ եմ անում Ուկրաինայում բոլոր կանադացիներին անհապաղ միջոցներ ձեռնարկել՝ երկիրը հիմա լքելու համար»,-ասել է դիվանագետը։
Այդուհանդերձ Ժոլին նշել է, որ կանադացի դիվանագետները մնում են իրենց աշխատավայրերում և շարունակում ցուցաբերել հյուպատոսական ծառայություններ։
Հիշեցնենք, որ ավելի վաղ համանման կոչով իրենց քաղաքացիներին էին դիմել ԱՄՆ-ը, Իսրայելը, Մեծ Բրիտանիան, Չեռնոգորիան, Նիդերլանդները, Ճապոնիան, Հարավային Կորեան և Նորվեգիան։ Այդ երկրների դիվանագետներն իրավիճակն Ուկրաինայում համարում են անկանխատեսելի։
