Թալիբներն Աֆղանստանում առաջին կանանց են նշանակել ղեկավար պաշտոններում

Արմատական ​​«Թալիբան» շարժման անդամները Աֆղանստանում իշխանությունը զավթելուց հետո առաջին անգամ հայտարարեցին երկրում ղեկավար պաշտոններում կանանց նշանակելու մասին, գրում է Iz.ru-ն:

Համապատասխան հայտարարությունը երեքշաբթի՝ փետրվարի 1-ին, Twitter-ում հրապարակել է արմատականների կողմից ձևավորված Աֆղանստանի ժամանակավոր կառավարությունում տեղեկատվության և մշակույթի փոխնախարար Զաբիհուլլա Մուջահիդը։

Նշվում է, որ բժիշկ Մալալայ Ռահիմը նշանակվել է Քաբուլի «Մալալայ» մասնագիտացված ծննդատան տնօրեն։ Սա Աֆղանստանում իր տեսակի մեջ միակ մանկաբարձ-գինեկոլոգիական հաստատությունն է։
 

Իր հերթին բժիշկ Արիանը նշանակվել է մայրաքաղաքի Շահրար թաղամասի գինեկոլոգիական կլինիկայի տնօրեն։