Ադրբեջանական զինված ուժերում բարեփոխումներ են թուրքական բանակի օրինակով. Հասանով

Ադրբեջանի պաշտպանության նախարար Զաքիր Հասանովը հայտարարել է, թե երկրի զինված ուժերի կառուցվածքում բարեփոխումներ են իրականացվում: Այս մասին հայտնում են ադրբեջանական ԶԼՄ-ները:

Հասանովը Անկարայում իր թուրք գործընկեր Հուլուսի Աքարի հետ կայացած մամուլի ասուլիսի ժամանակ նշել է, որ իրականացվող փոփոխությունները նման են թուրքական բանակի բարեփոխումներին: 

«Ադրբեջանի նախագահի հանձնարարությամբ զինված ուժերի կառուցվածքում բարեփոխումներ են իրականացվում թուրքական բանակի կառուցվածքում արված բարեփոխումների նմանությամբ։ Թուրքիան այդ ուղղությամբ Ադրբեջանին մեծ աջակցություն է ցուցաբերում», – ասել է Հասանովը։