Լատվիան հայտնել է Ուկրաինա ռազմական հրահանգիչներ ուղարկելու մասին

Լատվիան ռազմական հրահանգիչներ կուղարկի Ուկրաինա։ Այս մասին հայտնում է ТАСС-ը:

Նշվում է, որ նման հայտարարությամբ հանդես է եկել Լատվիայի վարչապետ Կրիշյանիս Կարինշը։

«Այսօր կառավարական կոալիցիայի նիստում մենք քաղաքականապես պայմանավորվել ենք, որ ցանկանում ենք Ուկրաինային  կրկին օգնություն ցուցաբերել՝ այնտեղ ուղարկելով լատվիացի ռազմական հրահանգիչներ, որոնք կաշխատեն կանադացի հրահանգիչների հետ միասին»,- մասնավորապես ասել է նա:

Հունվարի 21-ին Լատվիայի պաշտպանության նախարարությունը տեղեկացրել էր, որ Ուկրաինային տրամադրելու է Stinger զենիթահրթիռային համակարգեր, անհատական ​​սպառազինություն և չոր սնունդ։